Ракометниот клуб Вардар во иднина на чело ќе го има љубителот на навОзнакиивачите откако Веселин Вујовиќ потпиша нов договор со „црвено-црните“.
За Вујовиќ ова ќе биде трет мандат со двократниот европски шампион откако на чело на клубот од Скопје беше во периодот од 2006 до 2009 и од 2011 до 2013 година. Како што вели легендарниот тренер, чест и задоволство е да се биде тренер на Вардар.
„Ова е моја трета етапа во Вардар и се надевам дека ќе биде успешна како и претходно. По моето заминување со Вардар се случија убави работи. Два пати ја освои Лигата на Шампионите и стана европски бренд. Мојата љубов кон Вардар никогаш не згаснала, ниту во периодот кога не бев дел од него. Свесни сме дека тимот не е квалитетен како минатите години, но верувам дека со комбинација од интернационалци и домашни играчи ќе направиме добар резултат сезонава“, вели Вујовиќ.
Новиот тренер на Вардар ќе има слобода да го состави тимот за следната сезона, а како што вели шанса ќе даде на сите играчи.
„Утрово ја гледав младата екипа, попладне ќе ги погледнам и Работнички. Денеска ќе имам и состанок со домашните играчи на кои ке им соопштам дека ќе добијат шанса и дека странци ќе носиме само квалитетни играчи. Михајло дојде во помош да го спаси Вардар од згаснување и да го врсти на прави патишта клубот. Кога ќе се вратам во Македонија се враќам во мојата втора татковина“, додава Вујовиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
