Шкендија дефинитивно ќе ја чека преполн „Сан Сиро“, со исклучок на оние места од 5% од вкупниот капацитет загарантирани за гостите, на првиот натпревар од плеј-оф рундата за групите од Лигата на Европа против Милан на 17. август.
Според официјалната информација од канцеларијата на Милан, за само два дена откако се пуштија во продажба билетите за мечот продадени се 15.000 билети.
Од Милан очекуваат повторување на посетата од претходниот натпревар во ЛЕ на италијанскиот клуб кога против Крајова на „Сан Сиро“ беа 67.000 навивачи. Тоа беше всушност и рекорд по број на посета во историјата на УЕФА на еден од натпреварите во квалификации за Лигата на Европа.
Од денеска и Шкендија ги пушти во продажба билетите за реванш дуелот кој на 24. август ќе се игра на „Телеком арената“ во Скопје. Билетите се со популарни цени од 400 до 1.000 денари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА