Оливие Жиру синоќа успеа да испише нова страница од историјата на фудбалска Франција, откако напаѓачот беше еден од стрелците во победата на „петлите“ против Австрија со 2-0. Офанзивецот го постигна вториот гол на натпреварот во 65. минута, десетина минути откако Килијан Мбапе го отвори резултатот.
Со овој гол Жиру се запиша и во историјата на Франција како највозрасен стрелец, имајќи предвид дека досегашниот рекорд со 35 години и 287 дена му припаѓаше на Роже Марш.
Жиру вториот гол за Франција го постигна со 35 години и 357 дена и така го сруши рекордот што беше сопственост на Марш цели 63 години.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
