Искусниот напаѓач од Габон, Пјер-Емерик Обамејанг, се соочува со нов предизвик во својата богата кариера. Според последните информации, тој ќе го напушти Олимпик Марсеј и наскоро ќе стане нов играч на Депортиво Ла Коруња.
Веста ја објави новинарот Санти Ауна, кој наведува дека трансферот е практично договорен и дека Обамејанг официјално ќе потпише договор со шпанскиот клуб во наредните денови, со што се враќа во друштвото на најдобрите.
Марсеј ќе заработи околу 1,5 милиони евра со овој трансфер, што е отштетата што Депортиво ќе ја плати за искусниот напаѓач.
Обамејанг пристигна во Марсеј како големо засилување, а со своето искуство и голови, даде значаен придонес за францускиот гигант за време на престојот на Велодром.
Сепак, двете страни проценија дека е дојдено време да се разделат, па Габонецот ќе ја продолжи кариерата во Шпанија, каде што го очекува нов предизвик во дресот на Депортиво.
🚨🚨 BREAKING ! AUBAMEYANG 🇬🇦 VA QUITTER L’OM POUR S’ENGAGER AU DEPORTIVO LA COROGNE !
La vente du gabonais va raporter 1.5 M€ au club phocéen.
(@Santi_J_FM) pic.twitter.com/A5yE9XEqkn
— BeFootball (@_BeFootball) July 15, 2026
За Депортиво, доаѓањето на играч со реномето на Обамејанг би било одлично засилување и важен чекор во зајакнувањето на тимот пред новата сезона.
За време на својата богата кариера, Обамејанг ги носеше дресовите на бројни европски клубови, меѓу кои Борусија Дортмунд, Арсенал, Барселона, Челси и Марсеј, оставајќи длабока трага каде и да играше.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
