Легендарната шпанска тенисерка Аранча Санчез Викарио во богатата тениска кариера заработи милиони од освоени турнири и спонзорски договори, а денеска е без „скршен денар“. Притоа и се заканува и казна затвор поради затајување на данок.
Некогашната прва тенисерка на светот е должна на луксембуршка банка осум милиони евра, а со оглед на тоа што судскиот случај кој се одвива во Барселона започна наскоро може да добие и пресуда.
Шпанката тврди дека не е виновна. Со нејзините финансии раководел поранешниот сопруг кој уверувал дека редовно ги подмирувал даночните обврски.
„Издржувам две деца и со пари ми помагаат пријателите. Половина од се што сум заработила во кариерата морам да дадам како долг. Многу ми е тешко, но за доброто на моите деца морам да најдам начин животот повторно да ми профункционира“, вели Санчез Викарио, и дополнува:
„Не знаев што маж ми прави со моите пари. Му верував бидејќи го сакав, но погрешив. Ме ‘изигра’. Од 2009 година со моја согласност располагаше со моите пари и ме уверуваше дека се е во ред“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
