ФИФА брзо и одговори на Саудиската Премиерлига и го израдува Кристијано Роналдо. Португалецот успеа да се избори голот на Ал Наср за водство од 2-0 против Фајсалија да му биде припишан нему, а не како автогол од противнички играч.
Премиерлигата ги информираше сите веб-страниците кои ги следат перформансите на играчите за одлуката на ФИФА, но сите инсистираа да им веруваат на сопствените очи, а не на одлуките на администраторите. Телевизиските снимки јасно покажуваат дека Кристијано Роналдо не го променил значително летот на топката со главата за време на скокот, кој го погоди дефанзивецот на Фајсалија, Андреу Џирото, зад него и отскокна во голот. Ниедна веб-страница не ја корегираше информацијата.
Но, одлуката на Премиерлигата на С. Арабија, му го подари на Роналдо вкупно 982-от гола во сениорска конкуренција, или 1.000 ако ги броиме и неговите младински репрезентативни натпревари.
Инцидентот го налути Халед ал-Шнаиф, поранешен репрезентативец на Саудиска Арабија и поранешен играч на Ал Шабаб и Ал-Ахли, и тој остро го критикуваше Роналдо како коментатор на саудиската државна телевизија.
„Лионел Меси дури и не знае колку голови постигнал. Додека Меси ужива во фудбалот и им носи радост на навивачите ширум светот, ние станавме заробеници на играч чија единствена амбиција е да има што е можно повеќе голови покрај неговото име. Подарете му го тој гол и ајде да завршиме со тоа“, истакна Шнаиф на државната телевизија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
