Актуелниот бранител на титулата Франција е првиот финалист на женското ракометно Европско првенство. Французинките го совладаа најголемото изненадување на шампионатот Хрватска со убедливи 30-19.
Уште во првото полувреме триколорите покажаа дека се далеку поозбилен противник, дозволувајќи им на Хрватките само пет гола (15-5). Во вториот дел рутински беше приведен натпреварот до самиот крај за конечен триумф од 30-19. Дури четири ракометарки на Франција мечот го завршија со по четири гола (Лакрабер, Зади, Ниаките и Нзе Минко), кај Хрватска по три гола постигнаа Крсник и Блажевиќ.
Во второто полуфинале вечерва во скандинавското дерби ќе се сретнат домаќинот Данска и Норвешка.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА