Зимскиот преоден рок во ТОП 5 лигите во Европа не донесе некоја посебна спектакуларност и покрај претходните најави за можна преселба на Килијан Мбапе во Реал Мадрид.
Беа спомнувани и евентуални преселби на Мохамед Салах и Кевин Де Брујне во Саудиска Арабија, но и од тоа ништо.
Се чини, најголемите клубови од најдобрите пет европски лиги се одлучија овој пат да инвестираат во младоста, па овој пат и трансферот на македонскиот репрезентативец Елиф Елмас е еден од најголемите во зимскиот преоден рок.
Елмас за 24 милиони евра се пресели од Наполи во германски Лајпциг, што е четврти по вредност трансфер во овој преоден рок. Највисок е трансферот на Витор Роке, кој за 40 милиони евра се пресели од Атлетико Параненсе во Барселона, а пред Елмас се уште и оној на Саша Боеј од Галатасарај во Баерн, како и трансферот на Романецот Раду Драгушин од Џенова во Тотенхем за 25 милиони евра.
НАЈГОЛЕМИТЕ 10 ТРАНСФЕРИ ВО ЗИМСКИОТ ПРЕДЕОН РОК ОД ТОП 5 ЛИГИТЕ ВО ЕВРОПА
- Витор Роке (Атлетико Параненсе – Барселона) – 40 милиони евра
- Саша Боеј (Галатасарај – Баерн Минхен) – 30 милиони евра
- Раду Драгушин (Џенова – Тотенхем) – 25 милиони евра
- ЕЛИФ ЕЛМАС (Наполи – Лајпциг) – 24 милиони евра
- Ренан Лоди (Марсеј – Ал Хилал) – 23 милиони евра
- Адам Вортон (Блекбурн – Кристал Палас) – 21,1 милиони евра
- Лукас Бералдо (Сао Паоло – ПСЖ) – 20 милиони евра
- Габриел Москардо (Коринтијанс – ПСЖ) – 20 милиони евра
- Артур Вермирен (Антверпен – Атлетико Мадрид) – 18 милиони евра
- Сирил Нгонге (Верона – Наполи) – 18 милиони евра
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА