Кошаркарите на Жалгирис го освоија третото место на завршниот Ф4 турнир во Евролигата, совладувајќи ја ЦСКА Москва со 79-77. Литванскиот тим имаше огромна предност од 24 поени, а ЦСКА Москва сепак стигна и до напад за триумф во последните 2,7 секунди, но не успеа да реализира.
„Армејците“ подобро го отворија мечот, но потоа Жалгирис го презеде ритамот, ја доби првата четвртина со 22-19, а на полувреме замина со шест поени позитива (41-35).
Третиот период беше комплетно во корист на Жалгирис, и кога се чинеше дека мечот е веќе решен, ЦСКА Москва возврати во последната четвртина. Но, сепак, немаше сили за комплетен пресврт.
Јанкунас и Мициќ со по 15 поени беа најефикасни во составот на Жалгирис, а Кулагин и Хантер постигнаа по 14 кај ЦСКА Москва. Комплетно потфрлија Нандо де Коло (5) и Серхио Родригез (9).
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
