Ракометарките на Вардар на фуриозен начин славеа и во реваншот од првото коло во ЕХФ купот, против косовска Приштина со 32-27.
Откако во првиот меч славеа со 35-39 фаворитската улога ја оправдаа и во реваншот кој денеска се одигра во СЦ „Јане Сандански“ во Скопје.
„Вардарки“ уште во првото полувреме ги разрешија сите дилеми добивајќи го со убедливи десет гола разлика 21-11. Во вториот дел само рутински го приведоа мечот до самиот крај за конечни 32-27.
Сара Миновска со седум гола беше најдобра во таборот на „црвено-црните“ девојки, додека шест постигна Марија Галевска.
Вториот македонски претставник кој денеска беше дел од ЕХФ купот, ЖРК Деспина загуби со убедливи 10-37 од шведска Скара. Реваншот ќе се игра утре.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
