По репрезентативната пауза, Реал Мадрид славеше во Лигата на шампионите, но не и во домашното првенство. Кралевите беа поразени од Алавес, а запишаа реми со Вилареал.
Новинарите го прашаа Зинедин Зидан дали недостатокот на мотивација е најголемиот проблем на Реал.
“Сè уште чувствуваме ист глад, но имаме многу проблеми. Кратката претсезона и големиот број на повреди се главните причини за одржување на константна победничка форма. Но гладот и желбата останаа исти, тие никогаш нема да го напуштат овој клуб. Играчите знаат каде се и што значи да се игра за Реал”, рече Зидан.
Следниот натпревар на кралевите е во Лигата на шампионите, Реал Мадрид вечерва му гостува на Шахтјор во 18:55 часот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
