Зинедин Зидан на мајсторски начин го надигра Јирген Клоп во двата четвртфинални меча во Лигата на шампионите. По триумфот на „Алфредо ди Стефано“ минатата седмица, Зидан овој пат одигра „генијални“ 0-0 на гостувањето кај Ливерпул кои беа доволни за пласман на Реал Мадрид меѓу четирите најдобри.
„Црвените“ имаа неколку убави шанси особено во првиот дел преку Милнер и Салах, но Тибо Куртоа беше одличен на голот на „кралевите“. Во полуфиналето Реал Мадрид ќе игра против Челси.
Манчестер Сити славеше и во реваншот против Борусија Дортмунд со идентични 1-2. Домаќините поведоа преку Билингем во 15. минута. Сепак, натпреварот го реши големата глупост на Емре Џан кој непотребно играше со рака во својот шеснаесетник и му дозволи на Махрез од пенал да израмни на 1-1 во 55. минута. До крајот Фоден во 75. ги постави конечните 1-2. Манчестер Сити за противник во полуфиналето ќе го има Пари Сен Жермен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА