Зинедин Зидан му одговори на Јирген Клоп кој се пожали на стадионот на Реал, „Алфредо ди Стефано“ по поразот на Ливерпул во Мадрид од 3-1 во првиот четвртфинален натпревар од ЛШ.
„Кралевите“ во моментов не може да играат на „Сантијаго Бернабеу“ поради реконструкцијата која вклучува нов терен и покрив, па играат на стадионот кој е дел од нивниот тренинг-центар.
„Сигурно дека се навикнавме на празни трибини, но ова е нешто друго. Ова е терен за тренинг. Ова е потценување на натпреварувањето како Лига шампиони“ – коментираше Клоп.
Од Реал потоа порачаа дека димензиите и квалитетот на теренот се еднакви како и на главниот стадионот, а на тренерот на Ливерпул кратко му одговори и Зидан.
„Ова е наш стадион. Играме на него и горди сме што можеме да играме на истиот, на стадионот кој го носи името на Алфредо ди Стефано“ – прокоментира Зидан.
Реваншот е на 14. април на „Енфилд“. Клоп најави дека на Ливерпул сигурно ќе му биде полесно на домашен терен и на „вистински стадион“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
