Иако тренерот на Реал Мадрид, Зинедин Зидан, има само пофални зборови за составот на Ливерпул, противникот на „кралевите“ во четвртфиналето од Лигата на шампионите, Французинот истовремено е разочаран од односот што медиумите го имаат кон неговит клуб.
Французинот смета дека Реал е премногу потценет од европската јавност, нешто што не го заслужуваат со своето реноме и традиција.
„Го чувствувам потценувањето, а мислам дека не го заслужуваме. Сметам дека заслужуваме далеку поголем респект и тоа од сите. Овој тим секогаш се бори, имавме тешки моменти, а начинот на кој ги надминавме е импресивен. Омоите фудбалери никогаш не се откажуваат и ќе им докажат на луѓето дека грешат. Ќе се бориме сè додека имаме шанси за успех“, изјави Зидан.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА