Ненад Зивчевиќ имаше извонреден старт на својата авантура во Катар, откако македонскиот кошаркар го предводеше својот тим Ал Ахли до убедлива победа на гостувањето против Ал Шамал со 72-90.
Иако против себе го имаа еден од фаворитите за титулата, Зивчевиќ и соиграчите одиграа перфектно во нападот, стигнувајќи до значаен триумф. Во главна улога беше токму поранешниот член на МЗТ Скопје, Работнички и на уште неколку македонски клубови, кој одигра извонредно, завршувајќи го натпреварот со 28 поени, осум скока и пет асистенции.
Единаесет од овие поени Зивчевиќ постигна во последната четвртина, исто колку и целиот домашен тим, помагајќи му на Ал Ахли целосно да го скрши отпорот на домаќините и да стигне до триумф.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА