Заминувањето на Златко Далиќ од функцијата селектор на хрватската репрезентација означува крај на најуспешната ера во историјата на хрватската репрезентација. По речиси девет години на клупата на репрезентацијата, тој ќе предводи нов тим.
Како што веќе пишувавме, Далиќ беше на радарот на репрезентацијата на Обединетите Арапски Емирати уште пред почетокот на Светското првенство , каде што би можел да ја продолжи кариерата, а наводно му се нудат пет милиони евра годишно.
А, сега медиумите од Обединетите Арапски Емирати пишуваат дека практично сè е решено и дека Далиќ наскоро ќе стане нивен предводник.
Далиќ ја заврши својата тренерска кариера како убедливо најуспешниот и најдолгогодишен тренер во историјата на Хрватска , со која освои сребрен медал на Светското првенство во 2018 година и бронзен медал на Светското првенство во 2022 година. Покрај тоа, освои сребрен медал во Лигата на нации на УЕФА во 2023 година, а покрај Светското првенство во 2026 година, се квалификуваше и за ЕУРО 2020 и ЕУРО 2024.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
