Македонските каратисти освоија еден златен и пет бронзени одличја на Интернационалниот карате турнир „Подравина-Ѓурѓевац опен 2017“ во Хрватска.
Абдурахим Идризи во јуниорска конкуренција (-55 кг) се закити со златниот медал, додека во кадетска конкуренција (-52 кг) по минималниот, пред се несреќен пораз, освои бронза. Давид Рамадановски (-63 кг) освои две бронзени медали во кадетска конкуренција и во отворената категорија, додека Михаил Спасовски во опен категоријата за помлади кадети освои бронзен медал.
Исто така и Кристијан Вошковски се закити со бронза во кадети во категоријата до 52 килограми. Данило Божовиќ и Даријан Тасевски за малку останаа без медал, како и Димитар Лозански.
На турнирот учествуваа над 700 натпреварувачи од 68 клубови од осум европски земји.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
