Александер Зверев се пласираше во финалето на Мастерс турнирот во Синсинати, каде ќе игра против Андреј Рубљов.
Зверев утрово го совлада Стефанос Циципас во драматичен меч во три сета со 6-4, 3-6 и 7-6.
Рубљов, пак, во полуфиналето го победи својот сонародник и прв фаворит на турнирот Данил Медведев со 2-6, 6-3 и 6-3.
На женскиот турнир, Ешли Барти ќе игра во нејзиното шесто финале сезонава, откако со 6-2 и 7-5 ја совлада Анџелик Кербер. Во финалето ќе се соочи со најголемото изненадување на турнирот Џил Тајхман, којa настапи со вајлд-карта. Тенисерката од Швајцарија, која е на 76. место на ВТА-листата, синоќа ја победи петтата носителка Каролина Плишкова со 6-2 и 6-4.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
