Александар Зверев ќе биде голема пречка за Новак Ѓоковиќ на патот до титулата на УС Опен, смета шпанскиот стручњак Алекс Коречја. Германецот доаѓа во Њујорк со 11 последователни победи и два освоени турнири, а последно триумфираше на Олимписките игри и на Мастерсот во Синсинати.
Ѓоковиќ и Зверев би можеле да се сретнат во полуфиналето на последниот гранслем сезонава.
„Зверев и Медведев ќе бидат најголемите ривали на Ѓоковиќ, тоа е сигурно. Зверев е убеден дека може да победи на гренд-сламот. Порано веруваше дека е многу добар играч, но чувствуваше дека нешто недостасува. Сега има повеќе искуство, посмирен е, подобро ги контролира емоциите. Тој знае дека неговиот сервис е силно оружје, неговиот форхенд е многу подобар и го најде вистинскиот баланс на теренот“, рече Коречја.
За потсетување, турнирот во Њујорк започнува на 30 август.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
