Изминатата ноќ во НБА лигата се одиграа девет натпревари. Лос Анџелес Лејкерс славеа на домашен терен над Атланта Хоукс со 134-118.
Леброн Џејмс повторно беше прво име во таборот на „езерџиите“ со 32 поени, надополнети со девет асистенции и осум скока. Кај поразените Тре Јанг заврши со 25 поени.
View this post on Instagram
Никола Јокиќ одигра уште една моќна партија откако во победата на Денвер над Сакраменто Кингс (121-111) уфрли 33 поени, надополнети со десет скока и седум асистенции. Кај Кингс Де Арон Фокс заврши со 30 поени.
View this post on Instagram
Во дербито на источната конференција Милвоки Бакс славеше на гостувањето кај Бруклин Нетс со 109-121. Јанис Адетокумбо со 31 поен беше прво име во таборот на победникот, додека кај поразените Кевин Дјурант заврши со 29 поени.
Во останатите натпревари од изминатата вечер: Филаделфија – Сан Антонио 119-100, Торонто – Јута 122-108, Чикаго – Вашингтон 130-122, Хјустон – Далас 106-130, Оклахома – Минесота 105-135 и Портланд – Кливленд 101-114.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА