Арсенал тргна по Тухел, Венгер е на заминување - Екипа
Сакај СПОРТ!   Читај Спорт!   Живеј СПОРТ!
Ekipa
Ракомет
18/10/2017 22:20
Фудбал
18/10/2017 18:32
Фудбал
18/10/2017 17:40
Фудбал
18/10/2017 16:37

Арсенал тргна по Тухел, Венгер е на заминување

Арсенал тргна по Тухел, Венгер е на заминување

Арсенал веќе донел одлука за разделба од Арсен Венгер по завршувањето на сезонава и почнал разговори за да го доведе на менаџерската функција сегашниот тренер на Борусија Дортмунд, Томас Тухел. Оваа информација синоќа прв ја објави тиражниот германски весник „Билд“ повикувајќи се на извори блиски до Тухел. Младиот стратег одбил да одговори на понудата со образложение дека е максимално фокусиран на работата во Борусија, но самите преговори се јасен знак дека „топчиите“ повеќе не гледаат на Венгер како на опција за стратег за следната натпреварувачка сезона.

Францускиот стручњак по поразот од ВБА најави дека веќе ја донел одлуката за својата иднина и истата ќе ја обелодени наскоро. Како што стојат работите, таа најверојатно ќе биде дека Венгер нема да го продолжи договорот што истекува на крајот од сезонава и во јули и дефинитивно ќе си замине од Арсенал, нешто што навивачите го бараат неколку години наназад.

Доколку не успеат да се договорат со Тухел челниците на „топчиите“ ќе го насочат вниманието кон Масимилијано Алегри од Јувентус, а не се исклучува ниту можноста Арсенал да тргне по екс-стратегот на Ливерпул, Брендан Роџерс, кој го води Селтик до нова титула во шкотската Премиер-лига.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.