Червар пак го избриша Митревски, објавен списокот за Тунис - Екипа
Сакај СПОРТ!   Читај Спорт!   Живеј СПОРТ!
Ekipa
Кошарка
19/08/2017 23:06
Кошарка
19/08/2017 22:06
Фудбал
19/08/2017 18:54
Останато
19/08/2017 18:06

Червар пак го избриша Митревски, објавен списокот за Тунис

Червар пак го избриша Митревски, објавен списокот за Тунис

Лино Червар донесе уште една изненадувачка одлука на еден ден пред почетокот на СП 2017, откако го избриша Никола Митревски од списокот за утрешниот дуел со Тунис. Македонскиот селектор вечерва пред Техничкиот состанок ги објави имињата на тројцата ракометари на чии услуги нема да смета за пресметката со Тунис, а изненадувачки прв од тројцата беше токму Митревски.

Голманот на Бенфика не се најде на скратениот список на Червар, но потоа беше дополнително повикан, по што се очекуваше тој да биде и стартен чувар на мрежата на Македонија на овој мундијал. Сепак, хрватскиот стручњак очигледно има сосема поинакви планови, па така реши да го испрати долгогодишниот репрезентативец на трибините, па против Тунис мрежата на нашиот гол ќе ја бранат Кирил Колев и Благојче Трајковски.

Покрај Митревски, од списокот за настап на утрешниот прв натпревар во Мец отпаднаа и пивотот Жарко Пешевски и бекот Ристо Арнаудовски.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.