Џон Вол со тројка на три секунди пред крајот избори мајсторка за Вашингтон - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Фудбал
26/05/2017 16:51
Ракомет
25/05/2017 21:10
Коментари
25/05/2017 18:53
Фудбал
25/05/2017 14:47

Џон Вол со тројка на три секунди пред крајот избори мајсторка за Вашингтон

Џон Вол со тројка на три секунди пред крајот избори мајсторка за Вашингтон

Иако кошаркарите на Бостон на една минута и 15 секунди пред крајот имаа пет поени предност, Џон Вол не дозволи Вашингтон во својата арена да заврши со пораз во шесттиот натпревар од плеј0ф серијата во НБА лигата. Па на крајот, Вашингтон славеше со 92-91 израмнувајќи во серијата на 3-3 со што изборија седми натпревар.

Во првото полувреме од мечот Вашингтон на моменти имаше и 10 поени предност, но Бостон со серија од 1-12 во финишот на првиот дел заминува на одмор со предност.

Во второто полувреме низ максимална израмнетост, сепак Бостон во последната минута влегува со пет поени предност. Ал Хорфорд на 7,7 секунди пред крајот погодува за 91-89, и кога сите мислеа дека Бостон оди во финалето на Истокот, сепак Вол  на три секунди пред крајот со тројка носи победа за Вашингтон.

Најефикасен во победата на Вашингтон беше Бредли Бил со 33 поени, а Вол дополни со 26 поени, плус и осум асистенции. Маркиф Морис постигна 16 поени, дополнети и со 11 скока.

Одличната партија на тројката на Бостон, Бредли, Томас и Хорфорд не беше доволна за триумф. Томас и Бредли постигнаа по 27 поени, а Хорфорд постигна – 20 поени. Мајсторката се игра во понеделник, а победникот во финалето на Истокот ќе игра со Кливленд.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.