Еве зошто Јуве е голем клуб: Леонардо, фала ти за се - Екипа
Сакај СПОРТ!   Читај Спорт!   Живеј СПОРТ!
Ekipa
Фудбал
17/11/2017 15:37
Ракомет
17/11/2017 12:37
Кошарка
17/11/2017 9:55
Фудбал
16/11/2017 15:42

Еве зошто Јуве е голем клуб: Леонардо, фала ти за се

Еве зошто Јуве е голем клуб: Леонардо, фала ти за се

Голем дел од навивачите се бесни на Леонардо Бонучи, но Јувентус ја потврди својата големина откако најтрофејниот италијански клуб се прости од својот долгогодишен првотимец објавувајќи видео со неговите најдобри моменти во дресот на „старата дама“, со специјална посвета до извонредниот дефанзивец.

„Леонардо Бонучи дојде во Јувентус во 2010 година. Млад, со големи амбиции, а Јувентус реши да ја фокусирата својата иднина на него. „Иднината“ секогаш беше слоганот поврзан со Лео, како најава за целите што треба да се исполнат, желбата тоа да го сториме заедно и да доживееме бројни незаборавни искуства. Така и беше, Бонучи за кратко време стана столб на одбраната што низ годините прерасна во број еден во светот. Само две години по неговото доаѓање почна и да освојува трофеи… не застана до шест скудета, три Купа на Италија и три Супер-купа на Италија. Беше тука и во радосните моменти и кога беше тешко, Лео беше еден од оние кои беа тука за новите играчи, да дознаат што поскоро што значи да се биде дел од Јувентус. Тој тоа го знае многу добро, со своите 319 натпревари на кои постигна 19 гола, исто како и бројот на неговиот дрес. Сега ќе носи поинаков дрес, а ние можеме само да го поздравиме и да му посакаме многу среќа во иднината, како и да му се заблагодариме за седумте прекрасни години минати заедно“ – се вели во пораката на „старата дама“.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.