Фетел: Побрзи сме од Мерцедес, мора тоа да го искористиме - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Ракомет
13/12/2017 22:12
Фудбал
13/12/2017 14:50
Меѓ. Фудбал
13/12/2017 14:42
Кошарка
12/12/2017 22:01

Фетел: Побрзи сме од Мерцедес, мора тоа да го искористиме

Фетел: Побрзи сме од Мерцедес, мора тоа да го искористиме

Себастијан Фетел заостанува 34 бода зад Луис Хамилтон во Формула 1 шампионатот, но возачот на Ферари се уште верува дека во последните трки ќе успее да го стигне големиот ривал и да ја направи битката за титулата максимално интересна. Причина за оптимизам му дава големиот напредок на болидот на Ферари, кој според Фетел е најбрз во Ф1 шампионатот во моментов.

„Имаме болид кој може да победи на секоја патека. Побрзи сме од Мерцедес, но мораме да го искористиме тоа. Не ни вреди ако го имаме најдобриот болид ако Кими Раиконен не може да стартува, а јас морам да тргнам од последното место. Неопходни ни се перфектни викенди, но јас верувам дека можеме да стигнеме до посакуваните резултати“ – изјави Фетел.

Германецот долго време беше лидер во генералниот пласман, но на претпоследната трка испадна при самиот старт по судирот со Кими Раиконен. Минатиот викенд тој поради проблеми со болидот стартуваше од последната позиција, па успеа да стигне до четвртото место, зголемувајќи го заостанувањето зад Хамилтон.

До крајот на сезоната преостануваат уште пет трки, и тоа во Јапонија, САД, Мексико, Бразил и Абу Даби, каде на 26 ноември ќе биде спуштена завесата во Ф1 шампионатот.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.