„Кралевите“ покорени во Атина, Фенер остана без Богдановиќ - Екипа
Сакај СПОРТ!   Читај Спорт!   Живеј СПОРТ!
Ekipa
Фудбал
24/03/2017 15:49
Останато
24/03/2017 9:27
Фудбал
24/03/2017 8:50
Фудбал
23/03/2017 18:35

„Кралевите“ покорени во Атина, Фенер остана без Богдановиќ

„Кралевите“ покорени во Атина, Фенер остана без Богдановиќ

Реал Мадрид ја губи трката со ЦСКА Москва за првото место во Евролигата откако „кралевите“ претрпеа нов пораз, овојпат на гостувањето против Панатинаикос со 88-82. Пресудни се покажаа последните пет минути од средбата, кога по водството на Реал од 66-68 домашните кошаркари со серија од 11-3 ја презедоа контролата над резултатот, чувајќи го водството до самиот крај и конечната победа. Синглтон со 21 поен беше најзаслужен за големата победа на ПАО, додека најдобар поединец кај Реал Мадрид беше Рендолф со 13 поени и 9 скока.

Перо Антиќ не се појави во тимот на Фенербахче при вечерашната победа на гостувањето во Германија против Брозе баскет (78-83). За проблемите на Жељко Обрадовиќ во пресрет на финишот од сезонава да бидат уште поголеми, Богдан Богдановиќ заработи повреда што навидум делува многу сериозно, па најдобриот играч на Фенер сега го очекува нова пауза од терените. Боби Диксон ја презеде улогата на лидер на овој натпревар постигнувајќи 26 поени, додека Датоме учествуваше со 16 поени во новиот триумф на турскиот првак.

Црвена звезда во драматичен натпревар стигна до огромен триумф на гостувањето во Милано против Емпорио Армани со резултат 71–78. „Црвено-белите“ водеа три четвртини, на моменти имаа и над 15 поени позитива, но домаќините се вратија и на половина од последниот период израмнија на 60-60. Во тие моменти одговорноста ја презеде Кузмиќ, кој со неколку успешни реализации ја врати самодовербата кај првакот на АБА-лигата и ја донесе победата што е од огромно значење во битката за место во четвртфиналето од елитното европско натпреварување.

Анадолу Ефес по голема битка го совлада тимот на Макаби со 92-87. Грејнџер со 22 поени беше прв стрелец на победничкиот тим, пред Ертел со 18 поени и осум асистенции, додека најефикасен во редовите на Макаби беше Виктор Рад со 23 поени.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.