Лина запиша историја: Прва Македонка со победа на Гранслем турнир! - Екипа
Сакај СПОРТ!   Читај Спорт!   Живеј СПОРТ!
Ekipa
Ракомет
26/02/2017 19:03
Ракомет
26/02/2017 17:02
Фудбал
26/02/2017 16:24
Фудбал
26/02/2017 15:59

Лина запиша историја: Прва Македонка со победа на Гранслем турнир!

Лина запиша историја: Прва Македонка со победа на Гранслем турнир!

Најдобрата македонска тенисерка Лина Ѓорческа запиша историја за себе и за македонскиот тенис со победата во првото квалификациско коло на Австралија Опен 2017.

Ѓорческа (206. место на ВТА листата) стана првата Македонка со триумф на еден Грандслем турнир, победувајќи ја на Австралија Опен на стартот од квалификациите Американката Саша Викери (137. место на ВТА) во три сета.

Нашата тенисерка од стартот беше подобра на мечот против 18-та носителка во квалификациите. Првиот сет го доби лесно со 6-2. Во вториот сет имаше предности и од 3-1, но сепак дозволи противничката да направи пресврт, па го загуби со 3-6, за да повторно доминира во третиот сет за победа од 6-3.

Лина Ѓорческа мечот го заврши со 11 аса, со освоени вкупно 99 поени, наспроти противничката која имаше 93 освоени поени. Нашата тенисерка имаше и 70% успешност на првиот сервис, наспроти 65% на Американката.

Во второто квалификациско коло Ѓорческа ќе се сретне со Унгарката Далма Галфи која е на 160. место на ВТА ранг листата.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.