Милан му нуди петгодишен договор на Несторовски за да биде ’новиот Пипо Инзаги’ - Екипа
Сакај СПОРТ!   Читај Спорт!   Живеј СПОРТ!
Ekipa
Коментари
20/11/2017 12:12
Кошарка
20/11/2017 11:26
Кошарка
20/11/2017 10:23
Фудбал
19/11/2017 21:29

Милан му нуди петгодишен договор на Несторовски за да биде ’новиот Пипо Инзаги’

Милан му нуди петгодишен договор на Несторовски за да биде ’новиот Пипо Инзаги’

Поранешниот европски првак Милан е сериозно заинтересиран за ангажман на македонскиот репрезентативец Илија Несторовски. Новиот спортски директор на „росонерите“, Масимилијано Мирабели, имал состанок со раководството на Палермо и понудил 15 милиони евра, кои би биле исплатени на три рати, за да го ангажира Несторовски во летниот преоден рок. Тренерот Винченцо Монтела и новото раководство на Милан во Нестор-гол го гледаат наследникот на легендарниот Пипо Инзаги.

Милан на Илија Несторовски ќе му понуди петгодишен договор, со годишна плата од 1,5 милиони евра, која би се зголемувала секоја наредна сезона, доколку тој продолжи со својот голгетерски ефект во Серија А. Оваа сезона во дресот на Палермо тој постигна десет гола во италијанскиот фудбалски шампионат. За жал, неговиот тим Палермо, каде што настапува и уште еден македонски репрезентативец, Александар Трајковски, го загуби прволигашкиот статус и следната сезона ќе игра во Серија Б.

За Нестор-гол се интересира и Фиорентина, а исто така постои интерес и од шпанските прволигаши Севилја и Атлетико Мадрид. Од Премиер – лигата, најзагреан за услугите на Несторовски е Евертон.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.