Жозе Мурињо не смета дека Манчестер јунајтед годинава ќе биде фаворит за титулата во Премиер лигата. Иако „црвените ѓаволи“ во првото коло го прегазија Вест Хем со 4-0, Португалецот не е еуфоричен и нема силни ветувања во пресрет на гостувањето кај Свонси.
„Имам премногу искуство за така лесно да ја загубам сопствената дисциплина и да полетам во облаци после таа победа. Ние не сме никакви фаворити, не сме никаков дрим-тим. Ние сме само тим со малку поголема самодоверба, што имаше повеќе време за да се воигра. На натпреварот со Вест Хем имаше многу добри работи. Но не е поентата на секој натпревар да бркаме таков резултат, туку да се обидеме да ја повториме таквата игра“ – изјави Мурињо.
Манчестер јунајтед летово потроши 170 милиони евра на новите заислувања – Лукаку, Матиќ и Линделоф, а веќе е добро познато дека Мурињо сака да го комплетира тимот со уште еден крилен играч.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА