Кире Лазаров со екипата на Нант стигна до првиот трофеј во новата сезона. Нант го освои францускиот „Трофеј на шампионите“ ,по големата победа во финалето против ПСЖ со 32-26. Новиот клуб на Лазаров во два дена славеше две победи против двете водечки екипи во Франција. Во полуфиналето падна Монпелје, а потоа во финалето, Нант го надигра и силниот ПСЖ и амбициозно стартуваше во новата сезона.
Во победата на Нант за првата титула, Лазаров постигна четири гола од седум обиди, сите во второто полувреме. Најефикасни во составот на Нант беа Ниукас и Клер со по пет гола, но јунак на финалето дефинитивно беше голманот Сирил Думулин со 20 одбрани. На спротивната страна, голманите на ПСЖ немаа свој ден, Тиери Омејер запиша осум, а Родриго Коралес само една одбрана, додека во нападот лидер беше младиот француски репрезентативец, Недим Ремили со седум гола.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА