ОФС Тетово со нов претседател и нов Управен одбор - Екипа
Сакај СПОРТ!   Читај Спорт!   Живеј СПОРТ!
Ekipa
Фудбал
22/06/2017 22:35
Фудбал
22/06/2017 22:12
Фудбал
22/06/2017 21:43
Фудбал
22/06/2017 19:15

ОФС Тетово со нов претседател и нов Управен одбор

ОФС Тетово со нов претседател и нов Управен одбор

Фисник Хисени е нов претседател на ОФС Тетово, по одржаното Изборно собрание на општинскиот сојуз на кое беа избрани и новите раководни структури.

На Собранието на кое присуствувале 36 делегати, со тајно гласање е избран Фисник Хисени за прв човек на сојузот. Хисени освоил 20 гласа, а неговиот противкандидат Јасин Фетиши – 16 гласа.

За нов потпретседател на ОФС Тетово е избран Јовица Илиевски, а во новиот Управен одбор се избрани Фисник Хисени, Јовица Илиевски, Фестим Адеми, Фатмир Салаи, Сулејман Ибиши, Mујдин Исмаили, Драгољуб Јовановски, Африм Јонузи и Сафет Мифтари.

Како што е познато, ОФС Тетово немаше свој претставник на последното Собрание на ФФМ поради тоа што ФФМ не ја призна легитимноста на претходно одржаното Собрание на ОФС од кое како кандидат за претседател на ФФМ беше именуван Мирсад Јонуз.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.