„Ремонтираниот“ МЗТ со 17 тројки го „распука“ Куманово (90-106) - Екипа
Сакај СПОРТ!   Читај Спорт!   Живеј СПОРТ!
Ekipa
Ракомет
24/11/2017 17:32
Кошарка
23/11/2017 21:55
Фудбал
23/11/2017 20:53
Кошарка
23/11/2017 19:42

„Ремонтираниот“ МЗТ со 17 тројки го „распука“ Куманово (90-106)

„Ремонтираниот“ МЗТ со 17 тројки го „распука“ Куманово (90-106)

Неколкуте промени во играчкиот состав очигледно донесоа позитивно освежување за македонскиот шампион МЗТ Скопје кој во последниот натпревар од 5. коло во Првата македонска фудбалска лига победнички мина во Куманово славејќи со 90-106 (16-23,32-30,24-28,18-25).

Составот на Александар Тодоров до триумфот стигна благодарение на шутот од далечина. Куманово немаше одговор за вкупно 17 тројки на „металците“ со ефект од 17/37, или речиси 50% успешност од зад линијата за три поени.

Уште од самиот почеток на мечот гостите јасно дадоа до знаење дека ја посакуваат победата, па наметнувајќи ритам со постојано водство. Домашните се обидоа нешто повеќе во вториот период, но успеаја само во еден момент да дојдат до негатива од четири поени. Во второто полувреме комплетно доминираше МЗТ Скопје за сосема заслужена победа на крајот од 90-106.

Во победничкиот тим доминираше Бојан Трајковски со 27 поени, од кои пет тројки, дополнети и со 7 скока и една асистенција. Најновото засилување, Павличевиќ постигна 21 поен, Мавра го следеше со 17 поени и пет асистенции, додека Спасојевиќ мечот го заврши со 19 поени.

Кај домашните најефикасен беше Караџовски со 24 поени, додека Јаневски запиша 16 поени.

Ова е трата победа за шампионот во новата сезона, покрај и два порази, додека Куманово остана на претходните две победи, запишувајќи го третиот пораз.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.