Сан Антонио го загуби Леонард, па прокоцка „плус 25“ против Голден стејт - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Кошарка
23/09/2017 15:05
Кошарка
23/09/2017 14:52
Фудбал
23/09/2017 12:57
Ракомет
22/09/2017 19:52

Сан Антонио го загуби Леонард, па прокоцка „плус 25“ против Голден стејт

Сан Антонио го загуби Леонард, па прокоцка „плус 25“ против Голден стејт

Голден стејт поведе со 1-0 во финалната серија на Западната конференција против Сан Антонио, добивајќи го премиерниот дуел на домашен терен со 113-111. Победата е уште позначајна ако се земе во предвид очајното прво полувреме по кое гостите водеа со огромни 20 поени разлика (42-62).

Сан Aнтонио во третиот период имаше и „плус 25“, но тогаш повреда заработи најдобриот кошаркар на спарси, Каваи Леонард, кој до тој момент за 24 минути на теренот имаше постигнато 26 поени. Повлекувањето на Леонард, кој воедно одигра и одлична одбрана против Кевин Дурант, целосно ги исфрли од ритам гостите, а Голден стејт го искористи тоа и со серија од 19 поени се врати во мечот.

„Мамузите“ на стартот од последната четвртина повторно имаа двоцифрена предност, но во меѓувреме проработе и Кевин Дурант, кој го врати својот тим во ритам и го иницираше пресвртот заедно со Стеф Кари. На две минути до крајот гостите последен пат водеа, со 103-106, но Кари погоди тројка по два офанзивни скока на домашните кошаркари. „Воините“ полни со самодоверба го одиграа финишот и на крајот заслужено славеа со конечни 113-111, најмногу благодарение на феноменалниот Кари и неговите 40 поени, додека Дурант „броеше“ до 34 на оваа средба.

Најефикасни кај Сан Антонио при вечерашниот пораз беа Олдриџ со 28 и Леонард со 26 поени.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.