Соопштение на Вардар Неготино: Чекаме ФФМ да го казни насилството во Новаци - Екипа
Сакај СПОРТ!   Читај Спорт!   Живеј СПОРТ!
Ekipa
Кошарка
12/12/2017 22:01
Ракомет
12/12/2017 17:39
Ракомет
12/12/2017 11:00
Коментари
11/12/2017 12:49

Соопштение на Вардар Неготино: Чекаме ФФМ да го казни насилството во Новаци

Соопштение на Вардар Неготино: Чекаме ФФМ да го казни насилството во Новаци

Раководството на македонскиот второлигаш Вардар Неготино испрати соопштение до јавноста по повод големиот инцидент што се случи на саботниот натпревар во Новаци, кога физички беше нападнат нивниот претставник за време на второлигашкиот меч со истоимениот домаќин, ФК Новаци. Тие бараат ФФМ да ги преземе сите мерки за виновниците да бидат казнети и да сносат соодветни санкции. Соопштението го пренесуваме во целост…

Управата на ФК Вардар Неготино, во свое име, во име на играчите и на клубот, но и во име на сите поддржувачи и навивачи најостро го осудува инцидентот на саботниот натпревар меѓу ФК Новаци и ФК Вардар. Ако се стремиме кон модерните стандарди на фудбалот, недозволиво е и треба да има нула толеранција за какво било насилство на терените, а камоли од претседател на еден клуб претендент за Прва лига, врз друго официјално лице за и тоа додека трае еден натпревар!

Не сакаме да размислуваме дека некој си дозволува да се крене над законите и да користи други методи за собирање бодови, освен фер-играта на терен. Потегот на претседателот на ФК Новаци не само што е далеку од принципите на „фер-плејот“ туку е за секаква осуда и прекршува многу прописи и закони. Затоа бареме и апелираме до ФФМ да поведе соодветна постапка и да го санкционира ова крајно неспортско однесување и со тоа да покаже дека на терените низ Македонија, без разлика за кој степен на натпреварување станува збор, не може и не смее да владее самоволие!

ФК Вардар Неготино максимално коректно ги почитува и законите на Р. Македонија и прописите на Фудбалската федерација на Македонија (ФФМ) и затоа очекуваме така да се однесуваат и кон нас. Со досегашно функционирање и вложување како во екипата така и во условите за работа, покажвме крајна сериозност и затоа очекуваме дека гласот на разумот ќе преовлада во овој случај.

За управата на ФК Вардар Неготино, ова не претставува само насилен чин врз нашиот официјален претставник на клубот (кој, патем, уште е на болничко лекување и ги чувствува последиците од физичкиот напад), туку претставува и удар врз секој искрен љубител на фудбалот кој одвојува од својот џеб со верба дека во Македонија има чист и чесен фудбал.

Сега се на потег органите на ФФМ и со нетрпение ја очекуваме нивната одлука. Ја информираме јавноста дека покрената е приватна кривична тужба против сторителот на овој немил настан. Нема да дозволиме никој да си поигрува со нашиот клуб, а најмалку со нашите играчи како и претставници за време одигрување фудбалски натпревари. Уште еднаш напоменуваме дека ФК Вардар е клуб со длабоки корени во македонскиот фудбал и нема да дозволиме истите да се уништат.

Спортски поздрав,

УО ГФК Вардар Неготино

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.