Француската полиција се пофали дека спречила сериозен терористички напад во близина на стадионот „Паркот на принцовите“, пред одигрувањето на натпреварот од француското првенство меѓу ПСЖ и Бордо.
Експлозивна направа составена од четири цилиндри и полиена со бензин била пронајдена во близина на стадионот на ПСЖ, само неколку часа пред почетокот на саботниот натпревар. Истата експресно била неутрализирана, а веднаш биле уапсени и пет лица поврзани со нападот.
„Направата била оперативна, а била пронајдена од жител на зграда во близина на стадионот, кој ја повикал полицијата. Уапсени се пет лица, од кои еден е познат исламистички радикал“ – објави француската полиција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
