Кошаркарите на Црвена Звезда убедливо го добија дербито против Цедевита во АБА-лигата, совладувајќи го хрватскиот тим на домашен терен со 82-66. „Црвено-белите“ уште на стартот најавија дека се расположени и посакуваат победа, ја добија првата четвртина со 26-13 и воспоставија контрола на мечот. На полувремето веќе имаа предност од 25 поени (54-29) и беше јасно кој ќе слави.
Македонскиот интернационалец Перо Антиќ на овој меч постигна само еден поен за 18 минути на паркетот, а не му одеше шутот за три поени. Сепак, даде полн придонес во одбраната на својот тим.
Најефикасен кај Црвена Звезда беше Џејмс Фелдин со 27 поени, а Тејлор Рочести уфрли 15. Кај Цедевита, Деметрис Николс беше стрелец на 13 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
