Вардар победи во Тетово, Шкендија оди во финале - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Фудбал
26/05/2017 16:51
Ракомет
25/05/2017 21:10
Коментари
25/05/2017 18:53
Фудбал
25/05/2017 14:47

Вардар победи во Тетово, Шкендија оди во финале

Вардар победи во Тетово, Шкендија оди во финале

Вардар успеа да победи во Тетово со 0-1, но тоа беше недоволно за да ја елиминира Шкендија и да се пласира во финалето на Купот на Македонија. Шкендија во финалниот меч ќе ги одмери силите против Пелистер, откако на првиот меч во Скопје оствари предност од 1-3, што скопјани не ја анулираа на денешната реванш пресметка.

Овој меч, за жал, ќе остане запаметен по инцидентот што се случи во 32.минута, кога капитените на двата тима, Ферхан Хасани и Бобан Грнчаров започнаа физичка пресметка во која се вклучија и други фудбалери. Судијата Александар Ставрев привремено го прекина натпреварот откако дури и фанови почнаа да влегуваат на терен, а на Хасани и на Грнчаров им покажа црвени картони.

hasani i grncarov

Во второто полувреме, Вардар фрли се на една карта, на нападот, со оглед дека му беа потребни три гола. Дарко Велковски успеа да ја затресе мрежата на Шкендија во 60.минута со удар со глава, по слободниот удар на Фелипе од левата страна. Но, „вардарци“ немаа сили за да ја анулираат комплетно негативата (1-3) од Скопје, па Шкендија е тимот што патува во финалето на Купот и ќе го брани трофејот во финалниот меч против Пелистер.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.