Англискиот премиерлигаш Арсенал и понатаму не знае како да го реши статусот на Алексис Санчез и на Месут Озил кои влегоа во последната година од договорот со клубот. Токму затоа, менаџерот Арсен Венгер размислува да им дозволи да си заминат во зимскиот преоден рок, при што „топчиите“ сепак би заработиле одредена сума од нивните трансфери, но и веднаш има испланирано нови засилувања.
Една од најголемите желби на Венгер е германскиот репрезентативец Џулијан Дракслер. ПСЖ ќе мора да продава во зимскиот преоден рок за да го задоволи финансискиот фер-плеј по ангажманот на Нејмар и на Мбапе ова лето, а тоа е знак за Арсенал да даде понуда за услугите на Дракслер. Раководството на „топчиите“ се надева дека за сума од 35 милиони евра ќе успее да го доведе на „Емирати“ одличниот офанзивен играч за врска, кој може да игра и на крилните позиции.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
