Захариевски го презема Пелистер: Традицијата и амбициите ме привлекуваат во Битола - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Фудбал
25/09/2017 15:15
Коментари
25/09/2017 12:12
Фудбал
25/09/2017 11:31
Фудбал
25/09/2017 11:43

Захариевски го презема Пелистер: Традицијата и амбициите ме привлекуваат во Битола

Захариевски го презема Пелистер: Традицијата и амбициите ме привлекуваат во Битола

Срѓан Захариевски е новиот тренер на битолскиот прволигаш Пелистер. Од денеска и официјално ќе ја почне својата работа во клубот наследувајќи го Наџи Шенсои на позицијата шеф на стручен штаб. Се надева дека и следната сезона Пелистер ќе игра на европската сцена.

„Постигнав договор со раководството на Пелистер и во моментов патувам кон Битола, за да ја преземам тренерската функција. Пелистер е клуб со голема традиција, но и со големи амбиции за претстојната сезона, и токму тоа беше мојот мотив за да ја прифатам понудата да седнам на клупата на „зелените“. Се надевам дека ќе бидеме успешни и дека и следната сезона клубот ќе избори пласман на европска сцена. Го познавам релативно добро составот на Пелистер, ги следев нивните игри на неколку меча минатата сезона во Скопје, а исто така и мечевите против Лех Познањ во европските купови. Сепак, сигурно дека во наредниот период ќе ги запознам одблиску сите фудбалери многу подобро, па потоа ќе решам и околу можни нови засилувања. Периодот за трансфери е се уште отворен, и сигурно дека ќе се размислува и на овој план, заедно со клупското раководство“, вели за ЕКИПА, Срѓан Захариевски.

Наџи Шенсои, тренерот со кој Пелистер го освои Купот на Македонија изминатата сезона, си замина од Битола по двата убедливи порази од Лех Познањ, во квалификациите за Лигата на Европа.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.