Катастрофално лошата сезона за Шалке продолжува со елиминација во Купот на Германија. Некогаш славниот тим и поранешен освојувач на Купот на УЕФА, и редовен учесник во Лигата на шампионите испадна од Сент Паули во 1/16 финалето. На Шалке не му оди ниту во првенството, каде што се наоѓа во зоната за испаѓање со 10 бода од 11 натпревари.
И покрај тоа што имаше предност, сепак, Сент Паули во вториот дел успеа да израмни, а во продолжението и да дојде до победата.
Вечерва од Бундеслигашите испадна и тимот на Келн. „Јарците“ загубија од второлигашот Кајзерслаутерн со 3-2. Домашниот тим о 65. минута имаше предност од 3-0, додека во финишот Келн стигна до 3-2, но откако доби црвен картон, веќе беше јасно дека ќе се прости од Купот.
Во следната фаза продолжува Борусија Менхенгладбах која го совлада Хејденхајм со 3-1.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
