Аргентинскиот интернационалец Серхио Агуеро замина на операција на левото колено откако ги повреди лигаментите на мечот против Барнли. Хируршкиот зафат во Барселона мина во најдобар ред, а напаѓачот на Манчестер Сити вели дека веднаш почнува со рехабилитацискиот процес и се надева дека ќе биде подготвен и за настап во финишот од сезоната.
„Се мина во најдобар ред, веднаш почнувам со рехабилитацијата. Благодарност до д-р Кугат и до комплетниот медицински тим за професионалната грижа“, напиша Агуеро на Твитер.
Манчестер Сити го очекува реванш дуел против Реал Мадрид во осминафиналето на Лигата на шампионите, но неизвесно е дали Агуеро ќе се опорави до почетокот на август.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
