Бразилскиот фудбалер Нејмар не тренираше со репрезентацијата откако е подложен на нови лекарски прегледи, по повредата на листот на десната нога.
Одредени медиуми објавија дека постои можност Нејмар да им се придружи на соиграчите во подготовките за натпреварот со Хаити на Светското првенство, но играчот на Сантос мораше да помине дополнителни прегледи.
Бразилската фудбалска конфедерација сè уште не ги објави резултатите од прегледот.
Нејмар (34) се повреди на 17 мај додека играше за Сантос, и сè уште е неизвесно кога би можел да игра за Бразил на Светското првенство.
Тој никогаш не завршил целосен тренинг со тимот откако репрезентацијата се подготвува во Њу Џерси. Бразилските медиуми објавија дека медицинскиот тим на репрезентацијата се надева дека Нејмар би можел да биде подготвен за нокаут фазата на Светското првенство.
🚨🚨| BREAKING: Neymar is not expected to be available for Brazil’s match against Haiti. 🇧🇷❌
The forward remains under medical supervision and is combining treatment with physical work. He has not yet entered the transition phase.
[@simpraisa] pic.twitter.com/ejSpivITIR
— CentreGoals. (@centregoals) June 15, 2026
Во првото коло од Групата Ц на Светското првенство, фудбалерите на Бразил ремизираа со Мароко (1-1), а следниот натпревар ќе се игра на 20 јуни против Хаити.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
