Шефот на стручниот штаб на Кожув, Александар Јончевски, е единствен кандидат за нов претседател на Здружението на Кошаркарски Тренери (ЗКТ), функција што остана испразнета по трагичната смрт на Драган Василов – Цевка.
ЗКТ во изминатиот период ја почна процедурата за поднесување на кандидатури, при што единствениот што ги собрал неопходниот број потписи е токму Јончевски.
За 7 октомври е закажано Дописното собрание на кое ќе биде поставено прашањето:
Кој е за тоа Александар Јончевски да биде претседател на ЗКТСМ во наредните 4 години, со опции да се гласа ЗА, ПРОТИВ или ВОЗДРЖАНО.
Според член 20 од Статутот, за да Собранието биде валидно, потребно е да бидат присутни (да гласат) една третина од вкупниот број на членови на Собранието. Доколку Јончевски добие повеќе од 50% од вкупниот број на присутни членови (односно од оние кои ќе гласаат по дописен пат), ќе се смета дека е избран за нов претседател на ЗКТСМ, со мандат до 7.10.2024 година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА