Алекс Карузо доживеа непријатности на аеродромот во Тексас, за што во голема мерка е и самиот виновен. Кошаркарот на Лос Анџелес Лејкерс, носејќи марихуана во својата торба, се обидел да се качи во авионот, па полицијата го запрела во оваа негова намера и веднаш го уапсила.
Алекс имал и опрема за конзумирање марихуана и поради сето тоа ќе добие само прекршочна пријава. Тој бил уапсен и за кратко време ослободен со кауција.
Карузо веројатно опуштено отишол во родниот Тексас затоа што марихуаната е легална во Калифорнија. Сепак, тоа не е случај во државата Тексас, а поседувањето на марихуана се казнува со затвор од 180 дена.
Ова може да влијае и на кариерата на Алекс, со оглед на тоа што тој е слободен агент во текот на ова лето, а прашање е дали Лејкерси ќе сакаат да го задржат петта последователна сезона.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
