Италијанскиот репрезентативец Алесандро Флоренци се сели во Париз. Фудбалерот на Рома како позајмен играч претстојнава сезона ќе ја мине во дресот на францускиот првак Пари Сен Жермен. „Светците“ во договорот имаат и клаузула за целосно откупување на Италијанецот.
Флоренци, кој вториот дел од минатата сезона го мина на позајмица во Валенсија, сега заминува цво Пари Сен Жермен. За него беа заинтересирани и Фиорентина, Аталанта и Евертон, но на крајот Флоренци одлучи дека ПСЖ е најголемиот предизвик за продолжување на кариерата. Тој ќе заработува 3 милиони евра годишно како играч на европскиот вицепрвак.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
