Карло Анчелоти експресно стави крај на гласините дека би можел да го напушти Реал Мадрид за да стане селектор на репрезентацијата на Бразил.
Многумина тренери сонуваат да ја добијат функцијата предводник на „кариоките“, но Анчелоти јасно стави до знаење дека воопшто не размислува за тоа, а единствен фокус во моментов му е работата во Реал Мадрид.
„Не знам што ми носи иднината, но она во што сум сигурен – се чувствувам многу добро во Реал Мадрид и пред себе имаме бројни цели што треба да ги исполниме. Ќе дојде време кога ќе размислувам за иднината, но сега сум фокусиран само на Реал Мадрид. Имам договор до 30 јуни 2024 година и доколку клубот не ме избрка, јас сигурно не сакам да си заминам одовде“, изјави Анчелоти.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
