Натпреварот помеѓу Англија и Аргентина, кој ќе се игра утре од 21 часот, ќе го суди американскиот судија со мароканско потекло, Исмаил Елфат.
Англискиот „Дејли меил“ го нарекува „омилен судија на Лионел Меси“. Елфат му судел на Меси на четири натпревари од МЛС лигата откако пристигна во Интер Мајами, а Меси ги доби сите четири.
А, Лионел Меси доживува нова младост. Со осум гола и две асистенции, тој ја предводи Аргентина во обидот да го обезбеди второто едноподуруго финале на светските првенства.
Екипата на Томас Тухел, пак, ќе бара начин да го запре капитенот на Аргентина и да го прекине 60-годишното чекање за појавување во финалето. Карагер истакнува дека Англичаните треба да бараат и начини да ја казнат пасивноста на Меси во одбраната.
„Не е ништо ново со Меси. Тој е тука 20 години и никој сè уште не нашол решение“, вели англиската легенда, Џејми Карагер.
„Мора да има план. Не мислам дека ќе биде само фластер, но им треба план. Играчите ќе го очекуваат тоа. Тоа не е признавање на пораз во никој случај. Играте против веројатно најголемиот играч на сите времиња, што тој го покажа на овој турнир. Исто така, треба да размислат како можат да го искористат Лионел Меси. Тој оди додека противникот ја има топката, што не значи дека англискиот лев бек треба да стои покрај него во текот на целиот натпревар. Можат да го искористат фактот дека Аргентина всушност се брани со девет играчи на теренот“, објасни тој.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
