Реал Мадрид минимално со 1-0 го победи Ливерпул на „Сантијаго Бернабеу“ и на реваншот во Лигата на шампионите со што „кралевите“ со убедливи 6-2 се пласираа во четвртфиналето од најквалитетното европско клупско натпреварување.
Карим Бензема го постигна голот за триумф на Реал, но сигурно потегот кој го воодушеви фудбалскиот свет се случи по мечот на стадионот на Реал Мадрид.
Химната на Ливерпул, „You’ll never walk alone”, беше пуштена на „Сантијаго Бернабеу“. Додека гостинските навивачи пееја заедно со играчите на Ливерпул, сето тоа беше испратено со аплуаузи од домашните фанови.
По натпреварот објаснување даде Емилио Бутрагењо. Реал само им се реваншираше на „црвените“ откако Ливерпул на првиот натпревар му оддаде почит на легендата на „кралевите“, Амансио Амара. Почесниот претседател на Реал почина ден пред дуелот во Ливерпул.
„Тие направија голем гест кон Амансио и покажаа дека се голем клуб. Сакавме да им се оддолжиме и тие знаеја да го ценат овој потег. Клубовите од овој ранг со вакви детали ја покажуваат својата големина“ – рече Бутрагењо.
Real Madrid’s decision to play Liverpool’s anthem was a classy move, showing their appreciation for the sportsmanship and respect displayed by the visiting team during their previous encounter at Anfield. pic.twitter.com/REY4VW36DQ
— Olátundé III 핸들 (@OlatundeIII) March 15, 2023
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА