Судијата Адам Махадмех од Јордан го судеше натпреварот помеѓу Шпанија и Зеленортски острови, кој го донесе најголемото изненадување на Светското првенство и заврши без голови.
Јорданецот сигурно ќе биде запаметен бидејќи беше актер на едно од најголемите изненадувања во историјата на Светското првенство, а интересно е што има силна врска со Сараево и Босна и Херцеговина.
Махадмех поседува пасош на Босна и Херцеговина и течно го зборува јазикот на таа земја. Причината е што неговиот татко дошол во Сараево во 1970-тите за да студира градежништво. Таму ја запознал својата идна сопруга и основал семејство со неа.
Двојката се преселила во Јордан каде што е роден Адам. Сепак, врската со Босна и Херцеговина никогаш не била прекината. Додека растел, тој често доаѓал во Сараево и во други делови од земјата, поради што го совладал јазикот и изградил силна врска со земјата од каде што потекнува неговата мајка.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
