Прволигашката сезона за Гостивар продолжува денеска во СЦ „Јане Сандански“ каде ќе се обиде да стигне до изненадување против МЗТ Скопје, а за тоа Љупчо Малинков ќе може да смета на Арсеније Вучковиќ кој по нецели три години се враќа на добропознатото место.
Босанското крило беше дел од гостиварскиот состав во сезоната 19/20 и одигра 11 натпревари на кои бележеше просек од 5.7 поени и 3.5 скока за 15 минути поминати во игра. По заминувањето од Гостивар кариерата ја продолжи во Теодо Тиват, а настапуваше и во чешкото првенство.
Во тамошната прва кошаркарска лига броеше настапи за Оломоучко и Пардабице. Претходната сезона ја заврши со просек од 14.8 поени и 6.8 скока со што се очекува да биде големо засилување за „сино-белите“ во продолжението од сезоната.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА